Sony കമ്പനി ആണ് വിപണിയിൽ ആദ്യത്തെ വാട്ടർ റെസിസ്റ്റന്റ് ഫോണുകൾ ഇറക്കിയത്. ഒരു ഫോണിന്റെ ഉള്ളിൽ വെള്ളംകയറിയാൽ ഒന്നും സംഭവിക്കാൻ പോകുന്നില്ല. പക്ഷെ പ്രശ്നമെന്തെന്നാൽ ശുദ്ധമായ വെള്ളം ബാറ്ററികളിലല്ലാതെ നമ്മൾസാധാരണ ഉപയോഗിക്കാറില്ല. എല്ലാ വെള്ളത്തിലും വളരെ ചെറിയ അളവിൽ മാലിന്യ പദാർത്ഥങ്ങൾ കാണും. അവയാണ്പ്രശ്നം.IP റേറ്റിംഗ് എന്നത് പുറത്തു നിന്നുള്ള പദാർത്ഥങ്ങളെ അല്ലെങ്കിൽ ദ്രാവകത്തെ ഒരു ഫോണിന് എത്ര മർദ്ദത്തിൽഅല്ലെങ്കിൽ എത്ര നേരം ഒരു കുഴപ്പവുമില്ലാതെ പിടിച്ചു നിർത്താൻ കഴിയും എന്ന് ടെസ്റ്റുകളുടെ അടിസ്ഥാനത്തിൽതിട്ടപ്പെടുത്തുന്ന രണ്ടക്ക സംഖ്യയാണ്.
IP 68 എന്നാൽ 6 ലെവൽ ഖരരൂപത്തിലുള്ളതും ,8 ലെവൽ ദ്രാവക മർദ്ദവും ഒരു ഫോണിന് നിശ്ചിത സമയം തരണം ചെയ്യാൻആകും. ഇനി എങ്ങനെയാണു ഫോണുകൾ ഇത് സാധ്യമാക്കുന്നത് എന്ന് പറയാം. പ്രത്യേകതരം സീലുകളും, പശയും ഒക്കെകൊണ്ടാണ് ഒരു സ്മാർട്ഫോൺ കൂട്ടിയോജിപ്പിച്ചിരിക്കുന്നത്. അങ്ങനെ ഡിസ്‌പ്ലേയ്ക്കും, ഫ്രെമിനും, ബാക്ക് പാനലിനും ഇടയിൽശക്തമായ പശ ഉപയോഗിച്ച് അടച്ചിരിക്കുന്നത് കൊണ്ട് ദ്രാവകം അതിനിടയിലൂടെ സഞ്ചരിച്ചു ഫോണിന്റെ അകത്തെത്താനുള്ളസാധ്യത കുറയ്ക്കുന്നു.
പിന്നെ ഉള്ളത് സിം ട്രേ, ചാർജിങ് പോർട്ട്, മൈക്ക്, സ്പീക്കർ എന്നിവയാണ്. സിം ട്രെക്കും, ഹെഡ്‍ഫോൺ ജാക്കിനും, ചാർജിങ്പോർട്ടിനും ഇടയിൽ ഫോണിന്റെ അകത്തുനിന്നു തന്നെ റബർ സീലുകൾ ഫിറ്റ് ചെയ്തിട്ടുണ്ട്. ഇത് ഒരു പരിധി വരെ പുറത്തുനിന്നുള്ള ദ്രാവക സഞ്ചാരം തടയും.പിന്നെ സ്‌പീക്കറും, മൈക്കും ശബ്ദതരംഗങ്ങൾ എടുക്കുകയും, പുറത്തേക്കു വിടുകയുംചെയ്യേണ്ടവ ആയതു കൊണ്ട് അതിനെ പൂർണമായും അടക്കാൻ കഴിയില്ല. പകരം സാന്ദ്രത ഏറിയ ഒരു തരം വലഉപയോഗിച്ചാണ് അത് മറച്ചിരിക്കുന്നത്.
എന്നിരുന്നാലും വെള്ളത്തിന്റെ അടിയിൽ ഫോൺ ഉപയോഗിക്കുന്നത് അത്ര സുരക്ഷിതമല്ല. ചാർജിങ് പോർട്ടിനും, ഹെഡ്‍ഫോൺ ജാക്കിനും ഒക്കെ റബ്ബർ അടപ്പുകൾ ഉള്ള ഫോണുകൾ ഉണ്ടായിരുന്നു അതാണ് കൂടുതൽ സുരക്ഷിതം . പണ്ട് Sony ഇറക്കിയ പരസ്യത്തിൽ ഒരു ഫോൺ വെള്ളത്തിനടിയിൽ വീഡിയോ റെക്കോർഡ് ചെയ്യുന്നത് ആയിരുന്നു. ആ ഫോണിൽവെള്ളത്തിന്റെ അടിയിൽ നിന്നും വീഡിയോ റെക്കോർഡ് ചെയ്യാൻ സഹായിക്കുന്നത് റബർ സീലിന്‌ പകരം ഫ്ലാപ്പുകൾഉപയോഗിക്കുന്നത് കൊണ്ടാണ്.